बालेवाडी :
बालेवाडी येथील धर्मवीर आखाड्याचा पहिलवान शिवराज अनिल बालवडकर याने नुकतेच रशिया येथील स्पर्धेत ब्रांझ पदक पटकावले त्यानिमित्ताने श्री शिवराज मित्र मंडळ , धर्मवीर आखाडा व समस्त ग्रामस्थांच्या वतीने शिवराजचा नुकताच सन्मान करण्यात आला. यावेळी काढण्यात आलेल्या मिरवणुकीची सुरुवात ग्रामदैवत भैरवनाथ मंदिरात दर्शन घेऊन झाली आणि बालेवाडी चौकात समाप्ती झाली.
यानंतर शिवराज बालवडकर व ८० किलो वजनी गटातील ब्रांझ पदक विजेता शंतनू गाढवे याचाही सन्मान करण्यात आला .यावेळी बालेवाडी गावातील जुन्या पिढीतील पहिलवान मंडळी तसेच तरुण वर्ग मोठ्या प्रमाणात उपस्थित होता.
उपस्थित सर्व मान्यवरांनी दोघांनाही पुढील वाटचालीसाठी शुभेच्छा दिल्या.या कौतुक सोहळ्याला सर्वपक्षीय स्थानिक नेते व कार्यकर्ते उपस्थित होते.
हभप निवृत्ती महाराज बोरकर यांच्या हस्ते व माजी नगरसेवक अमोल बालवडकर , राहुल बालवडकर, लहू बालवडकर, प्रकाश बालवडकर , स्वाभिमानीचे प्रकाश तात्या बालवडकर , वस्ताद दत्तात्रेय बालवडकर वस्ताद समीर कोळेकर, आत्माराम बालवडकर, दिनकर बालवडकर, सहायक पोलिस निरीक्षक किरण बालवडकर, सुरेशराव खांदवे पाटील, राजेश बालवडकर, शांताराम भोंडवे यांच्या उपस्थितीत सन्मान करण्यात आला.
रोनक गोटे यांनी सूत्रसंचालन केले तर भूमाता कृषी मंचचे पुणे जिल्हाध्यक्ष अनिल बालवडकर यांनी आभार व्यक्त केले.
