पुणे :
पुणे शहरामध्ये झिैका आजाराचा रुग्णआढळला आहे. या पार्श्भूमीवर पिंपरी-चिंचवड महापालिका कार्यक्षेत्रामध्ये झिका विषाणुचा रुण आढळु नये याकरीता वैद्यकिय विभागाच्या वतीने या आजाराच्या अनुषंगाने प्रतीबंधात्मक उपाययोजना करणेबाबत सुचना देण्यात येत आहेत. (सद्यस्थितीत पिंपरी चिंचवड महानगरपालिका कार्यक्षेत्रामध्धे झिका रुग्ण आढळून आलेला नाही.)झिका हा डासांमार्फत पसरणारा एक विषाणुजन्य आजार आहे. झिका विषाणु हा Flavivirus प्रजातीचा असुन तो एडिस डासामार्फत पसरतो.
*झिका आजाराची चिन्हे व लक्षणे!*
बहसंख्य रुग्णांमध्ये कोणतीही लक्षणे आढळत नसली तरी झिका आजाराची लक्षणे सर्वसाधारणपणे डेंग्यू आजारा सारखी असतात.यामध्ये ताप, अंगावर ऱॅशेस (पुरळ) उमटणे, डोळे येणे, खांदे व स्नायु दुखणे, थकवा आणि डोकेटुखी यांचा समावेश होतो.ही लक्षणे सर्वसाधारणपणे सौम्य स्वरुपाची आणि २ ते ७ दिवंसापर्यत राहतात. झिका आजारासाठी रुग्णालयामध्ये भरती होण्याची फारशी आवश्यकता भासत नाही. तसेच या आजारात मृत्युचे प्रमाणही नगण्य आहे. गरोदरपणामध्ये झिका विषाणुची बाधा झाल्यास होणा-या अर्भकाच्या डोक्याचा घेर (Microcephaly) कमी होतो व बाळाच्या मेंदुची वाढ कमी होते असे दिसुन येत आहे.
*उपाययोजना!*
झिका विषाणू पसरवणारा एडिस डास दिवसा चावणारा डास आहे.त्यामुळे दिवसा पुर्ण बाहयांचे कपड़े वापरावे. Mosquito Repellent चा वापर करावा.आपल्या घरातील पाण्याची भांडी व्यवस्थित झाका.घरातील फुलदाण्यातील पाणी दिवसाआड बदला.पाण्याच्या टाक्या व्यवस्थित झाका.खिडक्याना डास प्रतिबंधक जाळया बसवा.आठवडयातुन एक दिवस पाण्याचा साठा असलेली सर्व भांडी रिकामी करुन घासुन पुसून कोरडी करा.घराच्या परिसरातील अडगळीची साहित्य नष्ट करुन परिसर स्वच्छ ठेवा.तापात ऍस्पिरिन किंवा ब्रुफेन अशी औषथे घेण टाळा. ती धोकादायक ठरु शकतात.कोणताही ताप अंगावर काढ़ नका.घर व घराचा परिसर स्वच्छ ठेवावा. तसेच डास चावणार नाही व डास उत्पत्ती होणार नाही याबाबत काळजी घ्यावी. झिका विषाणुग्रस्त व्यक्तीसोबत लैंगीक संबंधातुन सदर विषाणु पसरु शकतो त्यामुळे याबाबत खबरदारी घ्यावी.
*उपचार!*
झिका आजारावर कोणतेही विशिष्ठ औषध अथवा लस उपलब्ध नाही. रुग्णांवर लक्षणानुसार उपाय करणे आवश्यक असते.पिंपरी चिंचवड मनपाच्या सर्व रुग्णालयांमध्ये झिका विषाणुच्या उपचाराकरीता आवश्यक मनुष्यबळ व औषधोपचार उपलब्ध आहेत, काही लक्षणे आढळल्यास तातडीने पिंपरी चिंचवड महानगरपालिकेच्या रुग्णालय/ दवाखाना येथे संपर्क साधावा.
