बाणेर :
बाणेर, बालेवाडी, सुस, महाळूंगे परिसरात संस्थापक बाणेर नागरी पतसंस्था/सचिव भैरवनाथ देवस्थान ट्रस्ट बाणेर डॉ. दिलीप मुरकुटे पाटील यांच्या वतीने आपल्या परिसरातील उत्तर भारतीय नागरिकांच्यासाठी बाणेर येथे छठ पूजेचे आयोजन करण्यात आले होते.
रविवारी मावळत्या सूर्याला अर्घ्य वाहून सोमवारी उगवत्या सूर्याला नमन करून हजारोंच्या उपस्थितीत छटपूजेचा सोहळा रंगला होता. यावेळी उत्तर भारतीय नागरिकांनी धार्मिक परंपरेनुसार पूजा केली. सामाजिक कार्यकर्ते प्रकाश वर्मा हे निमंत्रक होते.
या कार्यक्रमाची माहिती देताना डॉ. दिलीप मुरकुटे पाटील यांनी सांगितले की, बाणेर, बालेवाडी, सुस, महाळूंगे परिसरात मोठ्या प्रमाणात उत्तर भारतीय नागरिक वास्तव्यास असून त्यांचा छठ पुजा हा फार मोठा कार्यक्रम साजरा करता यावा म्हणून खास छठ पुजा कार्यक्रमाचे आयोजन केले होते. या पुढे देखील उत्तर प्रदेश मधील हिंदू सण समारंभ उत्साहात साजरे करण्यासाठी प्रयत्न करत राहू.
यावेळी माजी नगरसेविका ज्योती कळमकर, माजी नगरसेविका स्वप्नाली सायकर, गणेश मुरकुटे पाटील, गणेश कळमकर, राम गायकवाड, अतुल अवचट, शशिकांत दर्शने, सतीश मराठे, धर्मनाथ वर्मा, काशिनाथ वर्मा, दिनेश वर्मा, रणजित वर्मा, जय शहा, मंजु वर्मा, किरण वर्मा, विद्यासागर, विनोद वर्मा, जितेंद्र प्रजापती, फैज आलम, महिंद्र खटनाल आणि उत्तर भारतीय नागरिक मोठ्या संख्येने उपस्थित होते.
