पुणे :
राज्याचे मुख्यमंत्री एकनाथ शिंदे हे उद्या एकदिवस पुणे दौऱ्यावर येत असून मुख्यमंत्री पदाची शपथ घेतल्यानंतर एकनाथ शिंदे हे पहिल्यांदाच पुणे दौऱ्यावर येत आहे. पुणे शहरातही शिंदे गटात सहभागी झालेल्या शिवसैनिकांकडून उद्या शक्तिप्रदर्शन करण्यात येणार आहे. अनेक शिवसैनिक शिंदे गटात जाण्याची शक्यता वर्तविली जात आहे.
असा असेल मुख्यमंत्री एकनाथ शिंदे यांचा दौरा –
१.उद्या सकाळी 11 वाजता विभागीय आयुक्त कार्यालय येथे पाऊस अतिवृष्टी पीक, पाणी व विकास कामे याबाबत आढावा बैठक करणार आहे.
२. दुपारी 1:20 वाजता फुरसुंगी येथील पाणी योजना प्रकल्पाला भेट देऊन पाहणी करणार आहे.
३. दुपारी 2:20 वाजता खंडोबा जेजुरी देवस्थान येथे भेट देतील. त्यानंतर सासवड येथे
४. दुपारी 2:45 वाजता शिवसेना पक्षाची जाहीर सभा घेतील.
५. 4 वाजता माजी मंत्री विजय शिवतारे यांच्या निवासस्थानी येईल.
६. सायं. 5:45 वाजता हिंदूहृदय सम्राट बाळासाहेब ठाकरे फुटबॉल मैदानाचे उद्घा‌टन करतील.
७. संध्याकाळी 7 वाजता आमदार तानाजी सावंत यांच्या निवासस्थानी भेट देतील.
८. रात्री 8:40 वाजता श्रीमंत दगडूशेठ हलवाई गणपती मंदिरात बैठक घेतील. मंदिराच्या सभागृहात आगामी गणेशोत्सव आणि नवरात्रबाबत बैठक असणार आहे.
उद्या एकाच दिवशी शिंदे-ठाकरे समोरा-समोर – उद्या राज्याचे मुख्यमंत्री एकनाथ शिंदे पुणे दौऱ्यावर येत आहे. पण, त्याचबरोबर शिवसेना नेते आदित्य ठाकरे हे देखील उद्या पुणे दौऱ्यावर येत आहे. विशेष म्हणजे, सायंकाळी 7 वाजता एकनाथ शिंदे कात्रज येथील तानाजी सावंत यांच्या निवास्थानी भेट देणार आहे. तर सायंकाळी 6:45 मिनिटांनी आदित्य ठाकरे हे कात्रज येथे शिवसंवाद साधणार आहे. म्हणजेच उद्या पुणे शहरात दोन्ही नेत्यांकडून टोलेबाजी पाहायला मिळणार आहे.
