आयसीसीआय बँकेच्या माजी सीईओ चंदा कोचर यांना सीबीआय कडून अटक..

मुंबई :

चंदा कोचर आणि त्यांचे पती दीपक कोचर यांना आज अटक करण्यात आली आहे. आयसीसीआय बँकेच्या माजी सीईओ आणि व्यवस्थापकीय अधिकारी म्हणून चंदा कोचर यांनी जबाबदारी पार पाडली आहे. त्यांच्या सीबीआयने व्हिडिओकॉन कर्ज प्रकरणात अटकेची कारवाई केली आहे. याआधी त्यांची अनेकदा चौकशी करण्यात आली होती.

ही अटकेची कारवाई व्हिडिओकॉन आणि आयसीआयसीआय बँकचा कर्ज घोटाळ्याप्रकरणी झाली आहे. सीबीआयने ही मोठी कारवाई केली आहे. चंदा कोचर सीईओ असताना आयसीआयसीआय बँकेने व्हिडिओकॉन समूहाला सुमारे 3250 कोटी रुपयांचे कर्ज देण्यात अनियमितता दाखवल्याचा आरोप केला होता.

ईडीने फेब्रुवारी 2019 मध्ये या प्रकरणी फौजदारी गुन्हा दाखल केला होता. याअंतर्गतच कारवाई करण्यात आली. चंदा कोचर यांच्यावर भेदभाव आणि व्हिडिओकॉन समूहाची बाजू घेतल्याचा आरोप आहे.