म्हाळुंगे :
म्हाळुंगे येथे पीएमआरडीए आयुक्त सुहास दिवसे यांच्या उपस्थितीत ग्रामस्तांसोबत टीपी स्किम बाबत समस्या व सूचनां करिता बैठक संपन्न झाली.
याप्रसंगी बोलताना माजी नगरसेवक अमोल बालवडकर यांनी सांगितले की, तत्कालिन मुख्यमंत्री देवेंद्र फडणवीस यांच्या संकल्पनेतून महाराष्ट्रातील पहिली टीपी स्किम २०१७ मध्ये म्हाळुंगे येथे साकारण्यास सुरुवात झाली. तेव्हा २०१७ साली पालकमंत्री गिरीश बापट यांच्या उपस्थितीमध्ये पहिली मिटींग येथील ग्रामस्थांसोबत मी मिटकॉन कॅालेज बालेवाडी येथे आयोजित केली होती. त्याच्या नंतर टीपी स्किम बऱ्यापैकी प्रगती पथावर आहे आणि प्रत्येक शेतकऱ्याला या टीपी स्कीमचा निश्चितपणे फायदा आहे. टिपी स्किमच्या ध्येय-धोरणाबाबत नागरिकांमध्ये व शेतकऱ्यांमध्ये कुठलीही शंका नाहीये. गेल्या अनेक वर्षांपासून म्हाळुंगे गाव हे इतर गावांपेक्षा निश्चितपणे विकासामध्ये मागे राहिलेले आहे.पण टीपी स्किम मुळे निश्चितपणे हे गाव इतर गावांप्रमाणे विकासाची गरुड झेप घेतल्याशिवाय राहणार नाही.
पीएमआरडीए चे आयुक्त दिवसे यांना जमीन मालक व शेतकऱ्यांच्यासोबत भेटून त्यांच्या शंकांचे निरसन करण्याची विनंती मी व माझे सहकारी गणेश कळमकर यांनी केली होती, तेव्हा त्यांनी आज ही वेळ दिली होती. यावेळी पीएमआरडीए आयुक्त सुहास दिवसे, विवेक खरवडकर, नगरसेविका ज्योती कळमकर व पीएमआरडीए चे इतर अधिकारी उपस्थित होते.
यावेळी पीएमआरडीए च्या माध्यमातून सुमारे शंभर कोटी पेक्षा अधिक तरतूद या टिपी स्किमकरीता उपलब्ध करून दिली जाईल असे आश्वासन आयुक्तनी दिले. तसेच म्हाळुंगे गावांमधील महत्त्वाचे डीपी रस्ते प्राथमिकतेणे विकसित करण्यावरती लक्ष केंद्रित केले जाईल” असेही यावेळी दिवसे यांनी सांगितले. म्हाळुंगे गावामध्ये १२ मी, ३० मी, ३६ मी रस्ते विकसित करण्याला प्राधान्य दिले जाईल.
यावेळी अमोल बालवडकर यांनी म्हाळुंगे येथील स्थानिक ग्रामस्थ व शेतकऱ्यांशी चर्चा करून त्यांच्या अडचणी सर्वांसमोर मांडले त्यामध्ये :
१)Property card चे वाटप केव्हा
होणार..?
२)रस्ते डेव्हलपमेंट
३)प्लॉटला चिरा लावणे
४)प्रत्यक्ष जागेवर रस्ते आखणी व रस्ते
विकसित करणे.
५)रस्ते संपूर्ण कधीपर्यंत विकसित होणार..?
६)ज्या शेतकऱ्यांना प्लॉट बाबत समाधानी
नाहीत त्याबाबत आपण काय करणार..?
७)जर तुम्ही प्रॉपर्टी कार्ड दिले तर शेतकरी
बांधकाम नकाशा मंजूर करू शकतो
का..?
८)बांधकाम नकाशा मंजूर करायला जर
शेतकरी गेला तर त्याला हेलपाटे घालावे
लागतील का..?
९) संपूर्ण टीपी स्किम मध्ये ड्रेनेज लाईन,
वॉटर लाईन, एम एस सी डी सी एल लाईन वॉटर लाईन पीएमआरडीए मार्फत विकसित होणार का..?
१०)नवीन आर्थिक वर्षात २०२२-२०२३ मध्ये पीएमआरडीए म्हाळुंगे गावासाठी किती आर्थिक तरतूद करणार आहे..?
११)पाणीप्रश्न – पाण्याच्या नियोजनाबाबत पीएमआडीए ची भूमिका काय आहे..?
१२)म्हाळुंगे गावामध्ये एक गार्डन एक मैदान लवकरात लवकर तयार करा.
