सुतारवाडी :
राज्याचे उपमुख्यमंत्री देवेंद्र फडणवीस यांच्या वाढदिवसानिमित्त माजी स्वीकृत नगरसेवक शिवम आबासाहेब सुतार यांच्या वतीने सुतारवाडी पाषाण परिसरातील सफाई कर्मचाऱ्यांना रेनकोट वाटप करण्यात आले.
दिवस-रात्र, सर्व ऋतूंमध्ये परिसराच्या स्वच्छतेसाठी राबणाऱ्या सफाई कर्मचाऱ्यांची काळजी घेणे आपलीही जबाबदारी आहे. त्यामुळे भर पावसात कामाची गैरसोय होऊ नये, यासाठी आपली जबाबदारी ओळखून कर्मचाऱ्यांना रेनकोट वाटप करण्यात आले असे माजी स्वीकृत नगरसेवक शिवम आबासाहेब सुतार यांनी सांगितले.
यावेळी सुतारवाडी पाषाण परिसरातील सफाई काम करणाऱ्या महिला व पुरुषांना रेनकोटचे वाटप करण्यात आले.
