पाषाण :
पाषाण येथे भाजप युवा मोर्चाचे कोथरूड विधानसभा मतदारसंघाचे सरचिटणीस रोहन कोकाटे यांच्या वाढदिवसानिमित्त शासन आपल्या दारी हा उपक्रम राबवण्यात आला. यामध्ये उत्पन्नाचा दाखला, जात प्रमाणपत्र, अधार कार्ड, आयुष्यमान भारत कार्ड, संजय गांधी निराधार अनुदान योजना अशा विविध योजना तसेच कार्ड व दाखल्यांचे सुमारे २५०० नागरिकांना वाटप केले.
पालकमंत्री मा चंद्रकांतदादा पाटील यांचा मार्गदर्शना खाली हा उपक्रम राबवण्यात आला. सरकारी सेवा आणि लाभ मिळविण्यात नागरिकांना येणाऱ्या अडचणी दूर करून सर्वसामान्यांना विविध शासकीय योजनांचे लाभ मिळावेत त्याचबरोबर विविध महत्त्वाची कागदपत्रेसुद्धा सुलभतेने मिळावीत याउद्देशाने वाढदिवसानिमित्त ‘शासन आपल्या दारी’ उपक्रम राबविण्यात आला होता. या उपक्रमाचा शुभारंभ भाजपा प्रदेश सरचिटणीस मुरलीधर मोहोळ यांच्या हस्ते करण्यात आला. यावेळी नागरिकांचा उत्स्फूर्त असा प्रतिसाद लाभला.
शासकीय योजना व शासकीय दाखले नागरिकांपर्यंत पोहोचने महत्त्वाचे आहे. त्यासाठी पाषाण परिसरातील हा उपक्रम राबवण्यात आला आहे. तसेच शासकीय योजनांच्या बाबतही सविस्तर माहिती घेवून योजनांचा लाभ सर्व लाभार्थ्यांना मिळावा या अनुषंगाने सर्वतोपरी प्रयत्न करणार असल्याचे रोहन कोकाटे यांनी सांगितले.
या कार्यक्रमा प्रसंगी कोथरूड विधानसभा अध्यक्ष पुनीतजी जोशी, नाईक तहसीलदार आखाडे साहेब मंडल आधिकारी सुर्यकांत पाटील, कोथरूड युवा मोर्चा अध्यक्ष दुष्यंत मोहोळ,सर्व पदधीकारी व आदींसह परिसरातील नागरिक, महिला भगिनी मोठ्या संख्येने उपस्थित होते.
