बाणेर :
१ मे २०२६ रोजी श्री भैरवनाथ शिक्षण संस्थेच्या आदित्य इंग्लिश मीडियम स्कूल आणि ज्युनिअर कॉलेजमध्ये महाराष्ट्र दिन मोठ्या उत्साहात आणि अभिमानाने साजरा करण्यात आला. या कार्यक्रमास भैरवनाथ शिक्षण संस्थेचे संस्थापक श्री शिवलाल (नाना) धनकुडे, अध्यक्षा सौ. सुरेखा (नानी) धनकुडे, सचिव श्री विराज धनकुडे, खजिनदार श्री राहुल धनकुडे, ज्युनिअर कॉलेजच्या प्राचार्या सौ. कोमल शिंदे, शाळेच्या प्राचार्या सौ. रेखा काळे तसेच शिक्षकवृंद आणि विद्यार्थी मोठ्या संख्येने उपस्थित होते.
कार्यक्रमाची सुरुवात विशेष प्रार्थनेने आणि ध्वजारोहणाने करण्यात आली. त्यानंतर राष्ट्रगीत आणि राज्यगीत सादर करण्यात आले. विद्यार्थ्यांनी महाराष्ट्र दिनाचे महत्त्व तसेच महाराष्ट्र राज्याच्या स्थापनेचा इतिहास याविषयी प्रभावी भाषणे केली. शिक्षकांनीही एकता, प्रगती आणि समाजाप्रती असलेल्या जबाबदारीबाबत प्रेरणादायी विचार व्यक्त केले.
कार्यक्रमाच्या शेवटी आभार प्रदर्शन करण्यात आले. हा कार्यक्रम सर्व उपस्थितांसाठी प्रेरणादायी, ज्ञानवर्धक आणि संस्मरणीय ठरला.
