पुणे :
पुणे व पिंपरी-चिंचवड महानगरपालिका कर्मचाऱ्यांप्रमाणे दरवर्षी पुणे महानगर परिवहन महामंडळाच्या कर्मचाऱ्यांना सानुग्रह अनुदान (बोनस) व बक्षिस रक्कम दिली जाते. यंदा ही बुधवारी (दि.11) झालेल्या ठरावानुसार कर्मचाऱ्यांना बोनस व बक्षीस देण्याच्या रकमेला मान्यता मिळाली आहे.
ठरावानुसार मूळ वेतन + महागाई भत्ता यावर 8.33٪ प्रमाणे बोनस व रूपये 21 हजार इतकी बक्षिस रक्कम दिवाळीपूर्वी अदा करण्यात येणार आहे. बोनस व बक्षिसाची रक्कम कर्मचाऱ्यांच्या बँक खात्यामध्ये दिवाळीपूर्वी जमा करण्यात येणार आहे.
याविषयी बोलताना पीएमपीएमएलचे अध्यक्ष व व्यवस्थापकीय संचालक सचिन्द्र प्रताप सिंह म्हणाले की, पीएमपीएमएलचे सर्व अधिकारी व कर्मचारी यांनी केलेल्या सांघिक प्रयत्नांमुळे गेल्या 3 महिन्यांत जवळपास सर्व शेड्युल मार्गस्थ होवून प्रवाशांना प्रवासी भिमुख सेवा देण्यात आम्ही यशस्वी झालो आहोत. यापुढील काळातही सर्व अधिकारी व कर्मचाऱ्यांनी प्रवाशांना प्रवासी केंद्रीत सेवा देण्यासाठी सांघिक प्रयत्न करावेत. पीएमपीएमएल कर्मचाऱ्यांना दरवर्षी प्रमाणे यावर्षी देखील सानुग्रह अनुदान व बक्षिस रक्कम देण्याचा निर्णय संचालक मंडळाने घेतला.
